Arne Slot Stiven Jerrard tanqidlariga javob berdi
“Liverpul” bosh murabbiyi Arne Slot klubning sobiq futbolchisi va afsonasi Stiven Jerrardning tanqidlariga javob berdi. Bu haqda Zamin.uz xabar berdi.
Jerrard niderlandiyalik mutaxassisni raqib jamoalarning himoyaviy o‘yini haqida shikoyat qilishni kamaytirishga chaqirgandi. Bu haqda euro-football.ru xabar bermoqda.
Arne Slot Sky Sports telekanaliga bergan intervyusida Jerrardning aytgan gaplarini to‘liq eshitmaganini, lekin u doimo “Liverpul”ga hurmat va mehr bilan qarashini ta’kidladi. Shuningdek, murabbiy himoyaviy o‘yin — ya’ni past blok haqida ko‘p gapirayotganini tan oldi.
Unga ko‘ra, jamoasi ko‘p hollarda raqiblarning shunday himoya uslubiga qarshi o‘ynashga majbur bo‘lmoqda. Slot o‘z so‘zida Jerrardning futbolchilik davrida past blokni yorib o‘tishda mahoratli bo‘lganini eslatib o‘tdi.
U bu mavzuda boshqa iboralarni ishlatishi yoki umuman izoh bermasligi ham mumkinligini qo‘shimcha qildi. “Baribir barchasi bu haqida xabardor”, — dedi murabbiy.
Ma’lum qilinishicha, “Liverpul” jamoasi shanba kuni safarda “Bornmut”ga qarshi o‘yinda maydonga tushadi.
