Gvardiola: Xoland tig‘iz taqvimga moslashgan
"Manchester Siti" bosh murabbiyi Xosep Gvardiola matbuot anjumanida Erling Xolandning o‘yin yuklamasi bo‘yicha savollarga aniq va keskin javob berdi. Bu haqda Zamin.uz xabar berdi.
Unga ko‘ra, bu mavzuni qayta-qayta muhokama qilishdan foyda yo‘q, chunki zamonaviy futbolning tig‘iz taqvimi barcha jamoalarga bir xil bosim yuklamoqda. — Nega bu masalani yana ko‘tarayapmiz?
Hech narsa o‘zgarmaydi, — dedi murabbiy. Gvardiola misol sifatida "Siti"ning "Budyo-Glimt"ga qarshi o‘yinini esladi.
O‘sha uchrashuvda jamoa tarkibida 11 futbolchi jarohat tufayli qatnasha olmagan. U shuningdek, bu muammo faqat "Manchester Siti"ga tegishli emasligini, boshqa klublar, jumladan, "Aston Villa" va "Tottenxem" ham tig‘iz taqvim va ko‘plab jarohatlar bilan yuzlashayotganini ta’kidladi.
Murabbiy bugungi futboldagi yuqori yuklama tabiiy ekanini qayd etib, Xoland bunday tempga moslashgan o‘yinchi ekanligini aytdi: — Jamoalar ko‘p uchrashuv o‘tkazyapti. Xolandning jismoniy holati bunga mos va u bu yuklamani ko‘tara oladi, — dedi Gvardiola.
Ayni paytda "Manchester Siti" Angliya Premer-ligasida 2-o‘rinda bormoqda. Jamoa peshqadam "Arsenal"dan 7 ochko ortda qolmoqda.
Gvardiola uchun hozirgi eng muhim masala Xolandning o‘yin vaqti emas, balki chempionlik poygasidagi har bir ochkoning ahamiyati. Manba: One.uz
