Yaponiya Osiyo kubogida Xitoyni yirik hisobda yendi

Saudiya Arabistonida 23 yoshgacha bo‘lgan futbolchilar o‘rtasida tashkil etilgan Osiyo kubogi o‘z yakuniga yetdi. Bu haqda Zamin.uz xabar berdi.

Turnirning final uchrashuvida Yaponiya terma jamoasi Xitoyni yirik hisobda mag‘lubiyatga uchratib, Osiyo chempioni bo‘ldi. Jidda shahrida joylashgan Shahzoda Abdulla al Faysal nomidagi stadionda o‘tgan final bahsida Yaponiya raqib darvozasiga javobsiz to‘rtta gol urdi.

Shu tariqa, Yaponiya qatorasiga ikkinchi marta chempionlikni qo‘lga kiritdi va umumiy hisobda uchinchi bor ushbu yutuqqa erishdi. Uchrashuv natijalari quyidagicha: Xitoy — Yaponiya 0:4.

Gollar mualliflari: 12-daqiqada Yuto Ozeki, 20-daqiqada Kosey Ogura, 59-daqiqada Ryunosuke Sato (penalti), 76-daqiqada yana Kosey Ogura. Xitoy terma jamoasi tarkibida Li Xao, Yang Si, Yusup Umidjon, Pen Syao, Lyu Xaofan kabi futbolchilar ishtirok etdi.

Yaponiya tarkibida esa Rui Araki, Kayto Koizumi, Shuto Nagano, Rey Umeki, Kosey Ogura va boshqa futbolchilar maydonga tushdi. Ma’lumot uchun, 23 yanvar kuni uchinchi o‘rin uchun bo‘lib o‘tgan bahsda Vetnam terma jamoasi Janubiy Koreyani penaltilar seriyasida mag‘lub etib, bronza medallarini qo‘lga kiritgan edi.