“Shanxay Shenxua” ketma-ket uchinchi bor yutqazdi

Leonid Slutskiy boshchiligidagi “Shanxay Shenxua” jamoasi Osiyo Chempionlar ligasi guruh bosqichining 6-turida yana mag‘lubiyatga uchradi. Bu haqda Zamin.uz xabar berdi.

Xitoy klubi safarda Yaponiyaning “Sanfrechche Xirosima” jamoasiga 0:1 hisobida imkoniyatni boy berdi. Bu haqda *euro-football.ru* xabar bermoqda.

Mazkur o‘yinda yagona gol 78-daqiqada kiritildi. “Sanfrechche Xirosima” jamoasi himoyachisi Hayato Araki aniq zarba yo‘llab, o‘z jamoasini g‘alabaga olib chiqdi.

Ushbu mag‘lubiyat “Shanxay Shenxua” uchun musobaqa doirasidagi ketma-ket uchinchi yutqazish bo‘ldi. Musobaqaning olti turi yakuniga ko‘ra, Slutskiy boshqaruvidagi jamoa 4 ochko bilan turnir jadvalida 11-o‘rinni egallab turibdi.

“Sanfrechche Xirosima” esa 11 ochko to‘plab, uchinchi pog‘onadan joy olgan. Shu tariqa, “Shanxay Shenxua”ning keyingi bosqichga chiqish imkoniyati tobora pasaymoqda.