Karpin: Golovinga maslahatlarim faqat hazil edi
Rossiya terma jamoasi bosh murabbiyi Valeriy Karpin «Monako» klubi yarim himoyachisi Aleksandr Golovinga «Real»ga qarshi o‘yin oldidan maslahat bergani haqidagi bayonotlariga izoh berdi. Bu haqda Zamin.uz xabar berdi.
Bu haqida euro-football.ru xabar tarqatgan. Ma’lumki, 20-yanvar kuni «Monako» Yevropa Chempionlar ligasi doirasida Madridda «Real» bilan uchrashib, 1:6 hisobida mag‘lubiyatga uchragan edi.
Ushbu o‘yindan oldin Karpin rossiyalik futbolchi bilan tushgan suratini ijtimoiy tarmoqlarda e’lon qilib, unga bir nechta maslahat berganini ma’lum qilgan edi. Valeriy Karpin bu holatga izoh berar ekan, shunday dedi: «Golovinning o‘yinini stadiondan kuzatdim, lekin afsuski, natija muvaffaqiyatsiz bo‘ldi.
Unga aytgan “maslahatlarim” esa hazil va kinoyadan iborat edi. Men unga jiddiy maslahat bera olmayman, buning uchun o‘z murabbiyi bor».
Eslatib o‘tamiz, Aleksandr Golovin joriy mavsum Fransiya chempionatining 13 ta o‘yinida maydonga tushib, 2 ta gol urdi va 1 ta samarali uzatma amalga oshirdi. Uning natijalari hozircha barqaror emas, ammo u jamoasining muhim futbolchilaridan biri hisoblanadi.
