Ter Shtegenni ro‘yxatdan o‘tkazishda muammo yuzaga keldi
Girona futbol klubi tarkibiga ijara asosida kelib qo‘shilgan darvozabon Mark-Andre ter Shtegenni ro‘yxatdan o‘tkazishda muammolar yuzaga keldi. Bu haqda Zamin.uz xabar berdi.
Bu haqda Legalbet va euro-football.ru xabar bermoqda. La Liga reglamentiga ko‘ra, darvozabonlar faqat 1, 13 va 25-raqamli futbolkalar bilan o‘ynashi mumkin.
Ammo Girona jamoasida bu raqamlar allaqachon boshqa futbolchilarga biriktirilgan. Klub Ter Shtegenni ro‘yxatdan o‘tkazish uchun uch darvozabonidan birini tarkibdan chiqarishi kerak.
Hozirda Dominik Livakovich, Vladislav Krapivtsov yoki Paulo Gassanioga bu o‘rin bo‘shatish mas’uliyati yuklanishi mumkin. So‘nggi ma’lumotlarga ko‘ra, Girona Livakovichni Zagrebning Dinamo klubiga qaytarishni rejalashtiryapti.
Agar bu amalga oshsa, Ter Shtegenni asosiy tarkibga kiritish imkoni paydo bo‘ladi. Eslatib o‘tamiz, 33 yoshli germaniyalik darvozabon bel jarohati tufayli ushbu mavsumning bir qismini o‘tkazib yuborgan.
U hozirgacha atigi bir marta maydonga tushishga muvaffaq bo‘lgan.
