Fransiya Jahon chempionatini boykot qilish ehtimolini inkor etmadi
Avvalroq AQShda o‘tkaziladigan Jahon chempionati ayrim Yevropa davlatlari tomonidan boykot qilinishi mumkinligi haqida xabar tarqalgan edi. Bu haqda Zamin.uz xabar berdi.
Bu masala ayniqsa Germaniyada keng muhokama qilinmoqda. Mazkur holat haqida euro-football.ru sayti xabar bergan.
Fransiya sport vaziri Marina Ferrari ham bu borada o‘z fikrini bildirdi. Uning so‘zlariga ko‘ra, hozircha Fransiya bunday qarorga kelmagan, chunki turnir juda muhim hisoblanadi.
Shu bilan birga, vazir hech qanday ehtimolni inkor etmasligini va vaziyatning rivojlanishini kuzatishda davom etishlarini ta’kidladi. Ma’lumki, Jahon chempionati 11-iyun kuni boshlanadi va uch mamlakat — AQSh, Meksika hamda Kanadada o‘tkaziladi.
Fransiya terma jamoasi esa amaldagi Jahon vitse-chempioni sanaladi. Mazkur turnirda ishtirok etish masalasida hali hamon turli davlatlar o‘z pozitsiyalarini aniqlashtirishni davom ettirishmoqda.
