Arteta Viyeraning tanqidlariga xotirjam javob berdi
Londonning "Arsenal" jamoasi bosh murabbiyi Mikel Arteta "Manchester Yunayted"ga qarshi 2:3 hisobidagi mag‘lubiyatdan so‘ng sobiq sardor Patrik Viyeraning tanqidlariga munosabat bildirdi. Bu haqda Zamin.uz xabar berdi.
Bu haqda *euro-football.ru* xabar berdi. Afsonaviy fransuz futbolchi Patrik Viyera yakshanba kuni bo‘lib o‘tgan uchrashuvdan keyin "Arsenal" jamoasiga ruhiy barqarorlik yetishmayotganini ta’kidlagandi.
Ushbu fikrlarga izoh berar ekan, Arteta matbuot anjumanida bu tanqidlarni xotirjam qabul qilayotganini aytdi. "Viyeraning so‘zlari?
Muammo yo‘q, har qanday fikrga tayyormiz. Milanda "Inter"ga qarshi o‘yinda yaxshi harakat qildik, bugun esa bunday bo‘lmadi.
O‘tkazilgan o‘yinlar sonini hisobga olsak, buni psixologik muammo bilan bog‘lash mumkinmi, yo‘qmi, aniq ayta olmayman", dedi murabbiy. Shunga qaramay, "Arsenal" APL turnir jadvalida birinchi o‘rinni saqlab qoldi.
Biroq "Manchester Siti" va "Aston Villa" jamoalari bilan farq kamayib, yetti ochkodan to‘rt ochkoga tushgan.
