Musialaga o‘yin amaliyoti yetishmayapti – Eberl

"Bavariya" klubi sport direktori Maks Eberlning aytishicha, yarim himoyachi Jamal Musialaga yana ko‘proq o‘yin amaliyoti zarur. Bu haqda Zamin.uz xabar berdi.

Bu fikrni u "Augsburg"ga qarshi o‘yindan keyin (1:2) bildirdi. Ma’lumot uchun, bu haqda euro-football.ru xabar bergan.

Eberlning so‘zlariga ko‘ra, uzoq tanaffusdan keyin yuqori darajadagi musobaqaga qaytish oson emas. Musiala ushbu uchrashuvda atigi yarim soat o‘ynadi va hozircha o‘z sport formasini tiklash jarayonida.

Uning fikricha, futbolchi jarima maydonida bir necha imkoniyat yaratdi, lekin to‘qqiz oylik tanaffus tufayli maydonda tez va aniq qaror qabul qilishda muammolar sezildi. Bu holat futbolchining yana ko‘proq o‘yin amaliyotiga ehtiyoj borligini ko‘rsatadi.

Musiala joriy Bundesligada hozirgacha ikkita o‘yinda qatnashib, bitta golli uzatmani amalga oshirdi. "Bavariya"ning navbatdagi o‘yini 28-yanvar kuni PSVga qarshi o‘tkaziladi.

Ushbu uchrashuv Chempionlar ligasi doirasida bo‘lib o‘tadi va Toshkent vaqti bilan soat 01:00 da boshlanishi rejalashtirilgan.