“Budo-Glimt”ning g‘alabasi — 7-turning sensatsiyasi
Taniqli sharhlovchi Konstantin Genich UEFA Chempionlar ligasining 7-tur yakunlari bo‘yicha ikki jamoaning o‘yinini alohida ta’kidladi. Bu haqda Zamin.uz xabar berdi.
Uning ta’kidlashicha, Norvegiyaning “Budo-Glimt” klubi turnirda kutilmagan natija ko‘rsatib, diqqatga sazovor bo‘ldi. Bu haqda euro-football.ru sayti xabar berdi.
Mazkur turda “Budo-Glimt” jamoasi “Manchester Siti”ni 3:1 hisobida mag‘lub etib, turnir qahramoniga aylandi. Genich bu natijani 7-turning eng katta sensatsiyasi deb baholadi.
U, shuningdek, “Arsenal”ning o‘yinini ham yuqori baholadi. “Budo-Glimt — bu turdagi eng katta kutilmagan natija.
Ammo “Arsenal” ham katta hayrat uyg‘otdi. Ularning “Inter”ga qarshi o‘yini kutilganidan ancha kuchli bo‘ldi”, — dedi Genich “Komment.Shou” YouTube kanali orqali.
Hozirda “Arsenal” 21 ochko to‘plab, Chempionlar ligasi umumiy jadvalida birinchi o‘rinni egallab turibdi. “Budo-Glimt” esa 6 ochko bilan 28-o‘rinda joylashgan.
Bu natijalar jamoalarning kelgusi o‘yinlarida ham katta qiziqish uyg‘otadi.
