Ronaldu ishtirokisiz “Al-Nasr” yirik g‘alaba qozondi

Krishtianu Ronaldu Osiyo Chempionlar Ligasi 2-guruh bosqichi o‘yinlarida murabbiy bilan kelishuvga ko‘ra maydonga tushmayapti. Bu haqda Zamin.uz xabar berdi.

Shunga qaramay, uning jamoasi — Saudiya Arabistonining “Al-Nasr” klubi Ronaldu ishtirokisiz ham yaxshi natijalarni qo‘lga kiritishda davom etmoqda. Chorshanba kuni “Al-Nasr” Tojikistonda “Istiqlol” klubiga qarshi o‘yin o‘tkazdi va raqiblarini 4:0 hisobida yirik mag‘lubiyatga uchratdi.

Bu g‘alaba bilan Saudiya jamoasi guruh bosqichidagi beshinchi o‘yinida ham ketma-ket zafar quchib, guruh peshqadami sifatida keyingi bosqichga yo‘l oldi. Mazkur uchrashuvdan so‘ng Krishtianu Ronaldu ijtimoiy tarmoqlarda “Al-Nasr”ning g‘alabasini e’tirof etdi.

U klubning keyingi bosqichga chiqqani haqidagi xabarni o‘z sahifasida bo‘lishdi va unga olov hamda olqish belgilarini qo‘shdi. Ma’lumki, 40 yoshli portugaliyalik futbolchining “Al-Nasr” bilan shartnomasi 2027 yilning o‘rtalarigacha amal qiladi.

Shu bilan birga, internetda Ronaldu va Tojikiston haqida tarqalgan turli asossiz xabarlar ham muhokama qilinmoqda. Manba: euro-football.ru.