David Trezege "River Pleyt"da yangi faoliyat boshladi
Turinning "Yuventus" klubi va Fransiya terma jamoasining sobiq hujumchisi David Trezege yana Argentinaga qaytdi. Bu haqda Zamin.uz xabar berdi.
U avvalroq Buenos-Ayresning "River Pleyt" jamoasida o‘ynagan va bu klub bilan Argentina futbolining ikkinchi ligasida chempionlikni qo‘lga kiritgan edi. Endi esa u futbolchi sifatida emas, balki klub boshqaruv tizimida yangi faoliyatini boshlamoqda.
"River Pleyt" klubi Trezege bilan hamkorlikni rasmiy marosim orqali e’lon qildi. Ammo uning klubdagi aniq lavozimi haqida hozircha ma’lumot berilmadi.
Taqdimot davomida Trezege klubning strategik yo‘nalishlarini rivojlantirishda faol ishtirok etishi va "River Pleyt"ni institutsional darajada vakillashi haqida ham ta’kidlab o‘tildi. Eslatib o‘tamiz, David Trezege 2015 yilda professional futbolchilik faoliyatini yakunlagan.
Uning yangi lavozimdagi ish faoliyati klub uchun qanday natijalar olib kelishini vaqt ko‘rsatadi. Manba: euro-football.ru
