Safonov jarohatdan keyin tez orada qaytadi

Rossiya terma jamoasi shifokori Mixail Vartapetov PSJ darvozaboni Matvey Safonovning qo‘l jarohatidan keyingi tiklanish jarayoni haqida ma’lumot berdi. Bu haqda Zamin.uz xabar berdi.

Bu haqda euro-football.ru xabar tarqatdi. Shifokorning so‘zlariga ko‘ra, Safonovning sog‘ayish jarayoni reja asosida davom etmoqda.

Darvozabonning ruhiyati yaxshi va u maydonga tez orada qaytishi kutilmoqda. Mutaxassis futbolchining ijobiy kayfiyatda ekanini ham alohida ta’kidladi.

Ma’lumki, 26 yoshli Safonov qit’alararo kubok bahsida braziliyalik “Flamengo” jamoasiga qarshi o‘yinda jarohat olgan edi. Hozirda uning tiklanish jarayoni muvaffaqiyatli kechayotgani aytilmoqda.

Eslatib o‘tamiz, Safonov PSJ bilan 2029 yil iyun oyigacha amal qiluvchi shartnomaga ega. Transfermarkt ma’lumotlariga ko‘ra, futbolchining bozor qiymati 15 million yevro atrofida baholangan.