Kristensenning jarohati "Barselona"ga salbiy ta’sir qildi

"Barselona" jamoasi bosh murabbiyi Hans-Diter Flik himoyachi Andreas Kristensenning jarohati jamoaga qanday ta’sir qilayotgani haqida fikr bildirdi. Bu haqda Zamin.uz xabar berdi.

Daniyalik futbolchi dekabr oyida tizzasidan jiddiy jarohat olgan edi. Bu holat murabbiylar shtabi uchun katta yo‘qotish bo‘ldi.

Flikning so‘zlariga ko‘ra, Kristensen o‘sha paytda juda yaxshi sport formasida bo‘lgan va jamoa uchun muhim taktika variantlarini amalga oshirishda katta rol o‘ynagan. Jarohat aynan noo‘rin pallada yuz bergani sababli, bu jamoaning o‘yiniga salbiy ta’sir ko‘rsatdi.

Murabbiy shuningdek, futbolchining mavsumni yaxshi yakunlashiga ishonch bildirdi va uning safga qaytishini kutayotganini ta’kidladi. Hozirda "Barselona" Ispaniya chempionati turnir jadvalida peshqadamlik qilmoqda va "Real Madrid"dan ikki ochko oldinda.

Jamoa 28-yanvar kuni Chempionlar ligasi doirasida "Kopengagen"ga qarshi o‘yin o‘tkazadi. Bu haqda euro-football.ru xabar berdi.