Di Mariya: "Real"ni tark etish og‘ir bo‘lgan
Argentina futbolchisi Anxel Di Mariya 2014 yilda o‘z istagiga zid ravishda Madridning "Real" klubini tark etib, "Manchester Yunayted"ga o‘tgan davrini esladi. Bu haqda Zamin.uz xabar berdi.
Bu haqda euro-football.ru xabar bergan. Di Mariyaning so‘zlariga ko‘ra, "Real"ni tark etish unga juda og‘ir bo‘lgan, chunki u klubdan ketishni istamagan.
O‘sha paytda ommaviy axborot vositalarida "Di Mariya Ronaldudek maosh talab qilmoqda" degan gaplar tarqalgan edi. Biroq futbolchi bu ma’lumotlarni rad etib, bunday da’volar mantiqsiz ekanini ta’kidlagan.
Di Mariya "Real" safida Chempionlar ligasini qo‘lga kiritib, o‘zini baxtli his qilganini aytgan. Shuningdek, bosh murabbiy Karlo Anchelotti uni jamoada qoldirishni istaganini ham qo‘shimcha qilgan.
Ammo Xames Rodrigesning kelishi bilan Di Mariyani transfer qilishga qaror qilingan. Futbolchi "Real"da qolish uchun oxirigacha harakat qilganini, mashg‘ulotlarda qatnashishda davom etishni xohlaganini bildirgan.
U "Atletiko"ga qarshi Superkubokning birinchi uchrashuvida maydonga tushgan, ammo javob o‘yinida hatto qaydnomaga ham kiritilmagan. Di Mariya "Real"ning "Manchester Yunayted" bilan kelishuvga erishganidan bexabar bo‘lganini ta’kidlab, bunday holatlar futbol olamida tez-tez uchrab turishini aytib o‘tgan.
