Vinisius Junior "Real" bilan 2031 yilgacha shartnoma imzolaydi

Madridning “Real” klubi hujumchi Vinisius Junior bilan yangi shartnoma imzolanganligini rasman e’lon qilishni jahon klublari o‘rtasidagi chempionat boshlanishidan oldin rejalashtirmoqda. Bu haqda Zamin.uz xabar berdi.

Bu haqda euro-football.ru xabar berdi. Ma’lumotlarga ko‘ra, braziliyalik futbolchi bilan shartnoma 2031 yil yozigacha amal qiladi.

Ushbu kelishuvga ko‘ra, Vinisius klubdagi eng ko‘p maosh oluvchi futbolchilar ro‘yxatida Kilian Mbappedan keyingi ikkinchi o‘rinni egallaydi. Agar shartnomadagi barcha bandlar bajarilsa va bonuslar hisobga olinsa, uning daromadi Mbappening darajasiga yaqinlashishi mumkin.

Eslatib o‘tamiz, Vinisius Junior 2018 yilda Braziliyaning “Flamengo” klubidan “Real”ga 45 million yevro evaziga transfer qilingan edi. Uning amaldagi shartnomasi 2027 yil 30 iyungacha amal qiladi.

Joriy mavsumda futbolchi barcha musobaqalarda 31 ta o‘yinda maydonga tushib, 7 ta gol urdi va 11 ta golli uzatma berdi.