Kante "Al-Nasr" klubiga o‘tishi mumkin

"Al-Ittihad" klubi yarim himoyachisi N’Golo Kante Saudiya Arabistonidagi boshqa bir klubga o‘tishi mumkin. Bu haqda Zamin.uz xabar berdi.

Bu haqda euro-football.ru xabar bermoqda. Ma’lumotlarga ko‘ra, "Al-Nasr" klubi fransuz futbolchisini o‘z safiga qo‘shib olishga qiziqish bildirgan.

Klubning sobiq yuridik bo‘limi rahbari Saad Al Subayi bitim yanvar oyining oxirigacha amalga oshishi mumkinligini ma’lum qilgan. Eslatib o‘tamiz, Kante 2023 yilda "Chelsi"dan erkin agent sifatida "Al-Ittihad"ga o‘tgan edi.

Uning ushbu klub bilan amaldagi shartnomasi 2026 yilning 30 iyuniga qadar tuzilgan. Joriy mavsumda Kante "Al-Ittihad" safida barcha turnirlar doirasida 25 ta o‘yinda ishtirok etib, 2 ta gol urgan va 1 ta golli uzatma amalga oshirgan.

Transfermarkt portali ma’lumotiga ko‘ra, futbolchining transfer qiymati 4,5 million yevro deb baholanmoqda. Hozircha tomonlar o‘rtasida rasmiy kelishuv borasida aniq ma’lumot yo‘q, ammo muzokaralar davom etmoqda.