Safonov jarohatdan so‘ng yana safda!

PSJ darvozaboni Matvey Safonov yana safga qaytganini e’lon qildi. Bu haqda Zamin.uz xabar berdi.

U Telegramdagi sahifasida mashg‘ulotlardan suratlar ulashib, o‘zining o‘yinlarga tayyor ekanligini ma’lum qildi. Bu haqda euro-football.ru xabar berdi.

Safonov o‘z postida: “Yana ishga qaytdim! Ertangi o‘yinga tayyormiz”, — deb yozib qoldirgan.

U bir muddat jamoa safida maydonga tusha olmagan edi. O‘tgan oyda Qit’alararo kubok finalida "Flamengo"ga qarshi o‘yinda jarohat olgani sababli u o‘yinlardan chetda qoldi.

Shu o‘yinda Safonov o‘zini yorqin tomondan ko‘rsatgan, penaltilar seriyasida to‘rt zarbani qaytarib, jamoasining g‘alabasiga katta hissa qo‘shgan edi. Endi esa PSJ jamoasi 28-yanvar kuni Chempionlar ligasi doirasida “Nyukasl”ga qarshi o‘z maydonida o‘yin o‘tkazishga tayyorgarlik ko‘rmoqda.

Mazkur uchrashuv Toshkent vaqti bilan soat 01:00 da boshlanishi rejalashtirilgan.