Teo Ernandes "Al-Hilol" muxlislarining tanqidiga uchradi
Fransiyalik himoyachi Teo Ernandes yaqinda "Milan" klubidan Saudiya Arabistonining "Al-Hilol" jamoasiga o‘tdi. Bu haqda Zamin.uz xabar berdi.
Biroq u yangi jamoasida kutilgan darajada samarali o‘yin ko‘rsata olmayapti. Shu sababli "Al-Hilol" muxlislari futbolchining o‘yinidan noroziligini ochiq-oydin bildirishmoqda.
Bu haqda euro-football.ru xabar berdi. So‘nggi mag‘lubiyatlardan biri ortidan Teo Ernandes ijtimoiy tarmoqlarda muxlislardan uzr so‘radi.
Ammo bu uzrlar kutilgan natijani bermadi, aksincha muxlislar tomonidan keskin tanqidlar ostida qoldi. Ularning fikricha, futbolchi avvalgi jismoniy holatini yo‘qotgan, vazni ortgan va maydonda sust harakat qilmoqda.
Ko‘plab muxlislar uning o‘yinini "faqat raqam uchun" deb baholashmoqda. Shuningdek, muxlislar Ernandesning bunday holati nafaqat xalqaro maydonlarda, balki Saudiya chempionatida ham yaqqol sezilayotganini ta’kidlamoqda.
Bu esa jamoa o‘yiniga salbiy ta’sir ko‘rsatmoqda.
