Kovachich "Milan"ga o‘tishi mumkinmi?

"Manchester Siti" jamoasining yarim himoyachisi Mateo Kovachich yaqin kunlarda Italiya chempionatiga qaytishi mumkin. Bu haqda Zamin.uz xabar berdi.

Bu haqda euro-football.ru sayti ma’lumot berdi. 31 yoshli futbolchiga Italiya A Seriyasining nufuzli klublaridan biri "Milan" katta qiziqish bildirmoqda.

Jurnalist Pyetro Baltsanoning xabariga ko‘ra, "Milan" vakillari yozgi transfer oynasi oldidan Kovachich bilan aloqaga chiqib, transfer shartlarini muhokama qilishgan. Transfermarkt portali ma’lumotiga ko‘ra, futbolchining hozirgi bozor qiymati 15 million yevro atrofida baholanmoqda.

Kovachichning "Manchester Siti" bilan tuzgan shartnomasi 2027 yil yozigacha amal qiladi. Xorvatiyalik futbolchi Italiya futboliga begona emas.

U 2013 yilning boshidan 2015 yil yozigacha "Inter" jamoasi safida faoliyat olib borgan. Keyinchalik esa u Madridning "Real" klubiga o‘tgan.

Shu boisdan, uning A Seriyaga qaytishi futbol olamida qiziqish bilan kuzatilmoqda.