2030 yilgi Jahon chempionati finali qayerda bo‘ladi?
2030 yilgi futbol bo‘yicha Jahon chempionati finali Ispaniyada o‘tkazilishi ehtimoli katta. Bu haqda Zamin.uz xabar berdi.
BBC ma’lumotiga ko‘ra, bu haqda Ispaniya futbol federatsiyasi rahbari Rafael Lusan ma’lum qilgan. Ushbu musobaqa Ispaniya, Portugaliya va Marokash mamlakatlari tomonidan birgalikda tashkil etiladi.
Biroq turnirning dastlabki uchta o‘yini, mundialning 100 yilligini nishonlash munosabati bilan, Janubiy Amerika davlatlari - Urugvay, Argentina va Paragvayda o‘tkazilishi rejalashtirilgan. Rafael Lusan Ispaniyaning yirik sport tadbirlarini muvaffaqiyatli tashkil etish bo‘yicha katta tajribaga ega ekanini ta’kidlab, 2030 yilgi chempionatning asosiy mezboni sifatida aynan Ispaniya yetakchi rol o‘ynashini aytdi.
Shunga qaramay, u final qaysi stadionda o‘tishi haqida aniq ma’lumot bermadi. Boshqa tomondan, Marokash ham finalni o‘z hududida o‘tkazish istagini bildirgan.
Ular Kasablanka shahridagi “Grand Stad Hassan II” stadionini final o‘yini uchun taklif qilmoqda. Qurilishi 2028 yilda yakunlanishi rejalashtirilgan ushbu stadion 115 ming tomoshabinga mo‘ljallangan bo‘lib, dunyodagi eng yirik sport inshootlaridan biri bo‘lishi kutilmoqda.
FIFA esa hozircha final o‘tadigan joy bo‘yicha rasmiy qarorini e’lon qilmagan. Manba: euro-football.ru
