David Trezege "River Pleyt" rahbariyatiga qo‘shildi

Turinning “Yuventus” klubi va Fransiya terma jamoasining sobiq hujumchisi David Trezege yana Argentinaga qaytdi. Bu haqda Zamin.uz xabar berdi.

U avvalroq “River Pleyt” jamoasi tarkibida o‘ynagan va jamoa bilan birga mamlakat ikkinchi divizionida chempionlikka erishgan edi. Bu haqda euro-football.ru xabar bermoqda.

Bu safar Trezege futbolchi sifatida emas, balki klub boshqaruvida faoliyat yuritish uchun qaytdi. “River Pleyt” uni rahbariyat ishtirokida tantanali tarzda tanishtirdi.

Biroq, uning aniq lavozimi hozircha e’lon qilingan emas. Marosim davomida Trezege klubning strategik masalalari bilan shug‘ullanishi va “River Pleyt”ni institutsional darajada himoya qilishda ishtirok etishi ta’kidlandi.

Ma’lumki, fransuz futbolchisi o‘zining faoliyatini 2015 yilda yakunlagan.