Kloze: Jahon chempionati rekordim yangilanishi mumkin
Germaniya terma jamoasining sobiq hujumchisi Miroslav Kloze jahon chempionatlari tarixidagi eng ko‘p gol urgan futbolchi sifatidagi rekordini uzoq vaqt saqlab qolmasligini aytdi. Bu haqda Zamin.uz xabar berdi.
Bu haqda euro-football.ru xabar berdi. Kloze to‘rtta jahon chempionatida qatnashib, jami 16 ta gol urishga muvaffaq bo‘lgan.
Hozirda faoliyatini davom ettirayotgan futbolchilar orasida unga eng yaqin ko‘rsatkich Lionel Messi va Kilian Mbappega tegishli. Messi hisobida 13 ta, Mbappeda esa 12 ta gol bor.
"Mening jahon chempionatlaridagi gollar rekordim yaqin yillarda yangilanishi mumkin. Bu 2026 yilda Lionel Messi tomonidan amalga oshirilishi ehtimoldan holi emas yoki Kilian Mbappe 2026 yoki 2030 yillarda bunga erishishi mumkin.
Men Messini juda hurmat qilaman va agar u faoliyatini davom ettirsa, unga eng yaxshi tilaklarni tilayman. Mbappe ham aqlbovar qilmas iste’dodga ega.
Umid qilamanki, ikkalasi ham sog‘lom bo‘lib, o‘z imkoniyatlarini to‘liq ko‘rsata oladi. Hozircha esa eng yaxshi statistika meniki va jahon chempionatlari yarim finalida to‘rt marta maydonga tushgan yagona futbolchiman", — deydi Kloze Bild nashriga bergan intervyusida.
Eslatib o‘tamiz, Messi 2022 yil Qatar mundialida Argentina bilan chempionlikni qo‘lga kiritgan, Mbappe esa 2018 yilda Rossiyada Fransiya terma jamoasi bilan g‘olib bo‘lgan. Kloze esa 2014 yil Braziliyada Germaniya terma jamoasi tarkibida jahon chempioni bo‘lgan edi.
