Leon Goretska transfer haqidagi mish-mishlarni rad etdi

“Bavariya” klubi yarim himoyachisi Leon Goretska o‘z transferi haqida tarqalgan mish-mishlarga izoh berdi. Bu haqda Zamin.uz xabar berdi.

Futbolchining ta’kidlashicha, u hech qachon boshqa klubga o‘tish tashabbusi bilan chiqmagan. Bu haqda euro-football.ru xabar bergan.

Avvalroq ommaviy axborot vositalarida Goretskaning “Barselona” bosh murabbiyi Hans-Diter Flik bilan bog‘lanib, kataloniyaliklar jamoasiga o‘tishni xohlagani haqida xabarlar tarqalgan edi. Ma’lumki, Goretska va Flik ilgari “Bavariya” va Germaniya terma jamoasida birga ishlaganlar.

Ammo futbolchi bu xabarlarni qat’iyan rad etdi. “Men Flikka ‘Barselona’ga o‘tish haqida murojaat qilganim haqidagi yozuvlarni o‘qidim.

Bu ma’lumotni hoziroq rad etaman”, — dedi Goretska DIE ZEIT nashriga bergan intervyusida. Ma’lumot uchun, Leon Goretska 2018 yilda erkin agent sifatida “Bavariya”ga qo‘shilgan.

Uning klub bilan shartnomasi 2026 yilning 30 iyuniga qadar davom etadi. Joriy mavsumda Goretska myunxenliklar safida jami 28 ta o‘yinda maydonga tushib, 1 ta gol urishga muvaffaq bo‘lgan.