Usman Dembele Saudiya klublariga o‘tishi mumkin

PSJ hujumchisi Usman Dembele o‘z faoliyatini Saudiya Arabistoni chempionatida davom ettirishi mumkin. Bu haqda Zamin.uz xabar berdi.

Bu haqda Sky Sports va euro-football.ru xabar bermoqda. Manbalarga ko‘ra, Saudiya Arabistoni chempionatining boy klublari yozgi transfer oynasida katta yulduzlarni jalb qilishga jiddiy kirishgan.

Ular orasida Dembele ham bor. Hozircha bitimning aniq qiymati oshkor qilinmagan, shuningdek, futbolchiga qaysi klub qiziqish bildirayotgani haqida ma’lumot berilmagan.

Eslatib o‘tamiz, avvalroq Dembele PSJ bilan shartnomasini uzaytirish uchun yuqori maosh talab qilayotgani aytilgandi. Biroq PSJ prezidenti klubning maosh siyosatidan chetga chiqmasliklarini va hatto jamoaning asosiy yulduzlari uchun ham bu qoidani buzmasliklarini ta’kidlagan edi.

Transfermarkt ma’lumotlariga ko‘ra, 28 yoshli futbolchining transfer qiymati 100 million yevro atrofida baholanmoqda. Bu esa uni nafaqat Yevropaning, balki boshqa mintaqalarning ham diqqat markazida ushlab turmoqda.

Saudiya klublarining bunday transferlarga qiziqishi esa futbol bozorida yangi o‘zgarishlarga sabab bo‘lishi mumkin.