«River Pleyt» stadioni sig‘imi 101 mingga yetkaziladi

Argentina futbol klubi «River Pleyt» o‘zining tarixiy «Monumental» stadionini kengaytirish bo‘yicha loyihani boshlaganini e’lon qildi. Bu haqda Zamin.uz xabar berdi.

Rekonstruksiya yakunlangach, stadionning sig‘imi 101 ming tomoshabinga yetkaziladi. Hozirda stadion 85 ming kishini qabul qila oladi, yangilanish natijasida esa yana 16 ming o‘rin qo‘shiladi.

Bu haqda euro-football.ru xabar bermoqda. Qurilish ishlari 2026-yil aprel oyida boshlanishi rejalashtirilgan va taxminan uch yil davom etadi.

Klub ma’lumotiga ko‘ra, yangilangan stadion 2029-yildan boshlab foydalanishga topshiriladi. Bu kengaytirilgan arena dunyodagi eng katta stadionlardan biriga aylanishi kutilmoqda.

Sig‘im bo‘yicha «Monumental» stadioni dunyodagi boshqa mashhur arenalardan, jumladan, Ispaniyaning «Kamp Nou» stadionidan o‘zib ketadi. Shunga qaramay, u Shimoliy Koreyaning Pxenyanda joylashgan va 1980-yillarda qurilgan «1-may nomidagi Rungrado» stadionidan kichikroq bo‘lib qoladi.

Ushbu loyiha klubning muxlislar uchun qulay sharoit yaratish borasidagi strategik rejasining bir qismi hisoblanadi.