Rafinya Anchelottining ish uslubini yuqori baholadi
Braziliya terma jamoasining vingeri Rafinya bosh murabbiy Karlo Anchelottining ish uslubi haqida o‘z fikrlarini bildirdi. Bu haqda Zamin.uz xabar berdi.
Bu haqda euro-football.ru nashri xabar bermoqda. Futbolchining ta’kidlashicha, italiyalik mutaxassisning ishlash uslubi uni chuqur hayratda qoldirgan.
Rafinya Anchelottining futbolchilar bilan yaqin muloqotda bo‘lib, ularning fikrlarini inobatga olishini yuqori baholagan. Unga ko‘ra, murabbiyning bunday yondashuvi jamoa ichki muhitini yaxshilagan va futbolchilar o‘rtasidagi aloqalarni mustahkamlashga yordam bergan.
Kelgusi yozda Karlo Anchelotti boshqaruvidagi Braziliya terma jamoasi jahon chempionatida qatnashadi. Guruh bosqichida “selesao” Marokash, Gaiti va Shotlandiyaga qarshi o‘yinlarda maydonga tushadi.
Mutaxassislar bu guruhda Braziliyani asosiy favorit sifatida ko‘rishmoqda. Eslatib o‘tamiz, Braziliya jamoasi avvalgi jahon chempionatida chorak final bosqichida musobaqani tark etgandi.
Shu sababli, bu safargi mundialda ular yuqori natijaga erishishni maqsad qilgan.
