Yanis Leri: "Xorazm"ni tanlashda ikkilanmadim

Yaqinda “Xorazm” futbol klubi tarkibiga qo‘shilgan fransiyalik futbolchi Yanis Leri klubning matbuot xizmati bilan suhbatda o‘z faoliyati, O‘zbekistondagi ilk taassurotlari va shaxsiy maqsadlari haqida fikr bildirdi. Bu haqda Zamin.uz xabar berdi.

Quyida ushbu intervyudan asosiy qismlarni keltirib o‘tamiz. – Futbol bilan nechanchi yoshdan shug‘ullanishni boshlagansiz?

– Men futbol o‘ynashni 5 yoshimda boshlaganman. O‘sha vaqtda "Livri" jamoasida o‘ynardim.

Bu joy Parij yaqinida, men o‘sgan hudud hisoblanadi. – O‘zbek futboli haqida qanday fikrdasiz?

– O‘ylashimcha, O‘zbekistonda futbolning saviyasi yaxshi, lekin Ispaniya yoki Fransiya futbolidan biroz farq qiladi. Jamoamga tezroq moslashishga harakat qilyapman.

Jamoadoshlarim bu borada menga yordam bermoqda, shu sababli ko‘nikishim oson kechmoqda. Ingliz tilini yaxshi bilmasam-da, jamoadoshlarim bilan muloqot qilishda muammo yo‘q.

– Qaysi futbolchilar bilan yaqinroq muloqot qilmoqdasiz? – Jamoada barcha bilan aloqam yaxshi.

Ayniqsa, Logan va Fabino bilan ko‘proq muloqot qilaman. Ular portugal tilida gaplashadi, men esa ispanchani bilaman, bu tillar o‘xshash bo‘lgani uchun bir-birimizni yaxshi tushunamiz.

– Futbolchilik faoliyatingiz davomida qancha gol urgansiz? – Aniq sonini eslay olmayman, lekin “Sent-Eten”dagi faoliyatimda ko‘plab gollar urganman.

Eng so‘nggi golimni esa “Logrones” jamoasi safida o‘ynagan paytimda kiritganman. “Sent-Eten”dagi gollarim esa men uchun alohida ahamiyatga ega.

– Yangi mamlakatga moslashishda eng qiyin narsa nima bo‘ldi? – Eng katta qiyinchilik – til masalasi.

Men o‘zbek tilini bilmayman, lekin bu borada ham asta-sekin o‘rganishga harakat qilaman. – “Xorazm” muxlislari haqida fikringiz qanday?

– Muxlislarning jamoani faol qo‘llab-quvvatlashi meni hayratda qoldirdi. Ularning borligi bizga katta ruhiy yordam beradi.

– Transfer oynasida boshqa takliflar bo‘lganmi? – Ha, Qatardan taklif bo‘ldi, lekin men “Xorazm”ni tanladim.

Bu qarorni qabul qilishimda boshqa variantlarni ko‘rib chiqmadim. – Islom diniga e’tiqodingiz bormi?

– Ha, albatta, men Islom diniga e’tiqod qilaman. – Qaysi pozitsiyada o‘ynashni afzal ko‘rasiz?

– Men uchun qanot hujumchisi sifatida o‘ynash eng qulay hisoblanadi. – Kelajakdagi maqsadlaringiz qanday?

– Maqsadim – jamoaga ko‘proq yordam berish, gollar urish va samarali uzatmalar amalga oshirish. Bundan tashqari, o‘yin davomida imkoniyatlardan unumli foydalanib, jamoaning muvaffaqiyatiga hissa qo‘shishni istayman.

Manba: "Xorazm" matbuot xizmati