Messi futbol tarixidagi eng yaxshi o‘yinchi deb topildi
The Athletic nashri futbol tarixidagi eng yaxshi 100 nafar futbolchi ro‘yxatini e’lon qildi. Bu haqda Zamin.uz xabar berdi.
Ushbu reyting ijtimoiy tarmoqlarda keng muhokamalarga sabab bo‘ldi. Bu haqda euro-football.ru xabar berdi.
Ro‘yxatning birinchi o‘rnini Lionel Messi egalladi. Ikkinchi o‘rinda Diego Maradona, uchinchi o‘rinda esa uch karra jahon chempioni Pele qayd etilgan.
Kuchli o‘nlikka shuningdek, Yohann Kroyf, Krishtianu Ronaldu, Alfredo Di Stefano, Frans Bekkenbauer, Zinedin Zidan, Ferens Pushkash va Mishel Platini ham kiritilgan. Mazkur reytingni tuzishda mutlaq xolislikni ta’minlash qiyin ekani ta’kidlanmoqda.
Shu sababli, futbol ishqibozlari, ayniqsa Reddit platformasida, bu ro‘yxat yuzasidan qizg‘in bahslarga kirishdi. Ba’zi foydalanuvchilar Pelening uchinchi o‘ringa qo‘yilganidan norozi bo‘lib, uning uch marta jahon chempionatida g‘olib chiqqanini eslatishdi.
Shuningdek, darvozabonlar orasida afsonaviy Lev Yashin ushbu reytingda 18-o‘rinni egallagani qayd etilgan. Reytingning subyektivligi va uni baholash mezonlari turli munozaralarga sabab bo‘lishda davom etmoqda.
