Ronaldu "Al-Nasr" qarorlaridan norozi bo‘lib qoldi
Krishtianu Ronaldu Saudiya Arabistonining "Al-Nasr" klubi tarkibida bir qator o‘yinlarda ishtirok etmayotgani haqida xabarlar tarqalmoqda. Bu haqda Zamin.uz xabar berdi.
Ma’lum bo‘lishicha, futbolchi klub boshqaruvidagi qarorlar va ish uslubidan norozi. Bu haqda euro-football.ru sayti ma’lumot berdi.
Mazkur masala yuzasidan Saudiya Arabistonidagi taniqli jurnalist va teleboshlovchi Valid al-Faraj ham o‘z fikrini bildirdi. Uning so‘zlariga ko‘ra, mamlakat sport tizimi va liga nizomlari qat’iy qoidalarga asoslangan bo‘lib, ularni hech kim buzishi mumkin emas.
Jurnalist jahon miqyosidagi yulduz maqomi hech qanday istisnolarni ta’minlamasligini ta’kidladi. "Saudiya chempionati har qanday futbolchidan ustun turadi.
Ronaldu liga reglamentlarini hurmat qilishi va qoidalarga amal qilishi shart. Biz hech kimning, jumladan, Ronaldu oldida tiz cho‘kmaymiz.
Siz bizni uning oldida yalinib qoladi, deb o‘ylayapsizmi? Mamlakatimiz va ligamiz barcha narsadan ustun", — dedi al-Faraj NewsRoom nashriga bergan intervyusida.
Shuningdek, ma’lum qilinishicha, Krishtianu Ronaldu va "Al-Nasr" o‘rtasidagi shartnoma 2027 yilning o‘rtalarigacha amal qiladi.
