Paganin: “Napoli” chempionlikni himoya qila olmaydi

“Inter”ning sobiq futbolchisi Antonio Paganin “Napoli”ning o‘tgan mavsumda qo‘lga kiritgan Italiya chempionligi (skudetto)ni bu yil ham himoya qilishiga shubha bildirdi. Bu haqda Zamin.uz xabar berdi.

Paganinning ta’kidlashicha, hozircha “Napoli” turnir jadvalida oldinda bo‘lsa-da, “Yuventus” va Milan klublari chempionlik poygasida jiddiy raqobat ko‘rsatishi mumkin. Bu haqda euro-football.ru xabar berdi.

Paganin “Napoli”ning sobiq bosh murabbiyi Luchano Spalettining faoliyatiga yuqori baho berdi. U Spalettining murabbiy sifatida o‘z ishini yaxshi bilishini qayd etdi, biroq uning Italiya milliy jamoasi bilan muvaffaqiyatli ishlay olmaganini tushunmasligini bildirdi.

Shuningdek, Paganin “Milan” jamoasining asosiy afzalligi sifatida ularning kubok o‘yinlarida qatnashmasligini ta’kidladi. “Inter” esa hozirda ochkolar bo‘yicha yetakchilik qilayotganiga qaramasdan, oldinda derbi va boshqa muhim uchrashuvlar kutayotganini eslatib o‘tdi.

Paganinning fikricha, chempionlik poygasida hal qiluvchi o‘yin 8 mart kuni bo‘lib o‘tadigan derbi bo‘lishi mumkin. Uning bu mulohazalarini fcinter1908.it nashri keltirgan.

Ma’lumot uchun, Antonio Paganin 1990–1995 yillarda “Inter” jamoasida himoyachi sifatida faoliyat yuritgan.