16 yoshli saudiyalik futbolchi halok bo‘ldi
Saudiya Arabistoni futbolida qayg‘uli voqea yuz berdi. Bu haqda Zamin.uz xabar berdi.
“Al-Qadisiya” jamoasining 16 yoshli himoyachisi Turki Al-Saed vafot etdi. Bu haqda Saudiya Arabistoni futbol federatsiyasi rasmiy bayonot berdi va marhumni xotirlash uchun nekrolog e’lon qildi.
Ushbu xabarni euro-football.ru sayti ham tasdiqlagan. “Al-Qadisiya” Saudiya Arabistonining kuch jihatdan ikkinchi ligasida ishtirok etadi.
Jamoa hozirda musobaqa jadvalida to‘rtinchi o‘rinni egallab turibdi. Klub safida bir qator tajribali futbolchilar, jumladan, avval “Atalanta” jamoasida o‘ynagan italiyalik Mateo Retegi ham bor.
Turki Al-Saedning o‘limi sabablari hozircha rasmiy ravishda oshkor qilinmagan. Biroq norasmiy ma’lumotlarga ko‘ra, bu fojia yo‘l-transport hodisasi oqibatida sodir bo‘lgan.
Yosh futbolchining vafoti nafaqat jamoa a’zolarini, balki butun futbol jamoatchiligini chuqur qayg‘uga soldi.
