Osimhen «Galatasaray»da qolishdan mamnun

Hujumchi Viktor Osimhen hozirda «Galatasaray» jamoasidagi faoliyatidan mamnun va klubni o‘zgartirish zarurati bor deb hisoblamayapti. Bu haqda Zamin.uz xabar berdi.

Nigeriyalik futbolchiga jamoaning ichki muhiti, shuningdek, klubdagi sharoitlar ham ma’qul kelayotgani qayd etilgan. Bu haqda euro-football.ru sayti xabar berdi.

Shu bilan birga, The Touchline nashrining ma’lumotiga ko‘ra, yozgi transfer oynasi vaqtida bir nechta yirik klublar Osimhenga qiziqish bildirishi mumkin. Ammo hozircha bu borada aniq muzokaralar yoki rasmiy takliflar haqida ma’lumot yo‘q.

Transfer masalasida yakuniy qaror futbolchining o‘ziga bog‘liq bo‘lishi ta’kidlanmoqda. Statistik ma’lumotlarga ko‘ra, Viktor Osimhen «Galatasaray» safida 64 ta rasmiy o‘yinda maydonga tushib, 52 ta gol urgan va jamoa sheriklariga 13 ta golli uzatma bergan.

Transfermarkt portalining baholashicha, 27 yoshli hujumchining bozor qiymati 75 million yevroni tashkil etadi. Bu ko‘rsatkich uning yuqori saviyali futbolchi ekanligini yana bir bor tasdiqlaydi.