Jerar Martin "Real" taklifini rad etdi

"Barselona" futbol klubi himoyachisi Jerar Martin Madridning "Real" klubi bilan shartnoma imzolash niyati yo‘qligini ma’lum qildi. Bu haqda Zamin.uz xabar berdi.

Bu haqda euro-football.ru xabar berdi. Futbolchining so‘zlariga ko‘ra, u "Real"ning taklifiga qiziqmaydi va o‘zini "Barselona"da juda qulay his qilmoqda.

Martin TV3 telekanaliga bergan intervyusida: "Pul bilan sotib olib bo‘lmaydigan narsalar bor. Men bu yerda baxtliman va klubni tark etishni rejalashtirayotganim yo‘q", — deya ta’kidladi.

Jerar Martin "Barselona"ga 2023 yilda kelib qo‘shilgan. Joriy mavsumda 23 yoshli futbolchi barcha musobaqalarda 34 ta o‘yinda maydonga tushib, o‘zining ishonchli o‘yini bilan ajralib turdi, biroq gol urish yoki golli uzatmalar amalga oshirmagan.

Ispaniyalik himoyachining "Barselona" bilan amaldagi shartnomasi 2028 yilning o‘rtalarigacha davom etadi. Transfermarkt ma’lumotlariga ko‘ra, futbolchining bozor qiymati 20 million yevro baholangan.