Fonseka AQShda jahon chempionati o‘tkazilishiga qarshi chiqdi

Donetskning “Shaxtyor” klubi va “Milan” jamoasining sobiq bosh murabbiyi Paulu Fonseka o‘zining siyosiy mavzudagi bayonoti bilan yana e’tibor markaziga tushdi. Bu haqda Zamin.uz xabar berdi.

U futbol bo‘yicha jahon chempionatini AQShda o‘tkazishga qarshi ekanini bildirib, bu borada keskin fikrlar bildirdi. Bu haqda euro-football.ru xabar bermoqda.

Fonsekaning fikriga ko‘ra, AQSh prezidenti Donald Trampning siyosati asosan o‘z manfaatlarini ilgari surishga qaratilgan. “U odamlar haqida emas, faqat pul haqida o‘ylaydi.

Futbolni chin dildan sevuvchi muxlislar va unga sodiq insonlar boshqa joyda raqobatlashishi kerak, AQShda emas”, — deya uning so‘zlarini derbyderbyderby.it keltirgan. Ma’lumki, jahon chempionati 11-iyun kuni boshlanishi rejalashtirilgan.

Fonsekaning bayonoti esa futbol olamida turli bahs-munozaralarga sabab bo‘ldi.