Arbeloa: Mbappe maydonda to‘g‘ri qaror qabul qiladi
"Real" klubi hujumchisi Kilian Mbappe jamoaning so‘nggi ikki uchrashuvida gol ura olmagan bo‘lsa-da, bu holatni jiddiy muammo sifatida ko‘rishmayapti. Bu haqda Zamin.uz xabar berdi.
Klub bosh murabbiyi Alvaro Arbeloaning fikriga ko‘ra, fransuz futbolchisining maydondagi harakatlari aniq va o‘ylangan. Bu haqda "euro-football.ru" xabar berdi.
Arbeloa matbuot anjumanida Mbappening o‘yin davomida qabul qilayotgan qarorlari va maydonni to‘g‘ri tushunishini alohida ta’kidladi. Uning so‘zlariga ko‘ra, hujumchi qayerda va qachon harakatlanishni yaxshi biladi.
Shuningdek, u jarima maydonida ham, undan tashqarida ham samarali o‘yin ko‘rsata oladi. Murabbiy Mbappening umumiy statistikasini va o‘yindagi tushunchasini bu fikrga dalil sifatida ko‘rsatdi.
"Real" jamoasi navbatdagi uchrashuvini 25-fevral kuni o‘z maydonida Chempionlar ligasi doirasida "Benfika"ga qarshi o‘tkazadi. Avvalgi o‘yinda madridliklar 1:0 hisobida g‘alaba qozongan edi.
