Vinisius "Real" tarixida oltinchi to‘purar bo‘ldi
Madridning "Real" klubi hujumchisi Vinisius Junior Chempionlar ligasi pley-off bosqichida "Benfika"ga qarshi o‘yinda jamoasining asosiy yetakchilaridan biri bo‘ldi. Bu haqda Zamin.uz xabar berdi.
Bu haqda euro-football.ru xabar bermoqda. Braziliyalik futbolchi dastlabki uchrashuvda jamoasi uchun yagona golni kiritdi.
Javob o‘yinida esa yana raqib darvozasini ishg‘ol qilib, "Real"ning 2:1 hisobidagi g‘alabasiga katta hissa qo‘shdi. Ushbu natija orqali 25 yoshli Vinisius Chempionlar ligasida "Real" safida kiritgan gollari sonini 32 taga yetkazdi va klub tarixida eng ko‘p gol urgan futbolchilar ro‘yxatida oltinchi o‘ringa chiqdi.
"Real Madrid"ning Yevropa Chempionlar kubogi va Chempionlar ligasi tarixida Vinisiusdan ko‘proq gol kiritgan faqat besh futbolchi bor: Krishtianu Ronaldu (105), Karim Benzema (78), Raul (66), Alfredo Di Stefano (49) va Ferens Pushkash (35). Vinisius Junior 2018 yil yozidan buyon "Real Madrid" sharafini himoya qilib kelmoqda.
Uning amaldagi shartnomasi keyingi mavsum yakuniga qadar amal qiladi.
