Messi Ispaniya terma jamoasida o‘ynashi mumkin edi
Lionel Messi bir vaqtlar Argentina emas, balki Ispaniya terma jamoasi safida ham o‘ynashi mumkin bo‘lganini ma’lum qildi. Bu haqda Zamin.uz xabar berdi.
Bu haqda euro-football.ru xabar bergan. Messi "Barselona"da faoliyat olib borayotgan davrida unga Ispaniya terma jamoasi uchun o‘ynash taklifi bo‘lganini eslab o‘tgan.
U bu haqda Miro De Atras dasturida so‘z yuritdi. Futbolchi o‘sha paytda bu kabi vaziyat ko‘plab futbolchilarda uchraydigan holat ekanini ta’kidlagan.
Messi Argentinada tug‘ilgan bo‘lsa-da, juda yoshligida Barselonaga ko‘chib kelgan va futbolchilik mahoratini asosan shu klub akademiyasida rivojlantirgan. Shu sababli Ispaniya terma jamoasi safida o‘ynash imkoniyati real edi.
Biroq Messi qachonlardir tanlovini o‘zgartirish haqida o‘ylamaganini aytib, qalbi doim Argentina bilan birga bo‘lganini alohida ta’kidladi. Eslatib o‘tish joiz, Lionel Messi 2022 yilda Argentina terma jamoasi bilan Jahon chempionligini qo‘lga kiritgan.
Bu yutuq uning futbol tarixidagi eng yirik muvaffaqiyatlaridan biri sifatida yodga olinadi.
