Osimhenning «Yuventus»ga o‘tishi deyarli imkonsiz
«Galatasaroy» jamoasi hujumchisi Viktor Osimhenning yaqin kelajakda «Yuventus» klubiga o‘tishi deyarli imkonsiz. Bu haqda Zamin.uz xabar berdi.
Bu haqda euro-football.ru sayti xabar berdi. Nigeriyalik futbolchi Chempionlar ligasida «Yuventus»ga qarshi o‘yinlarda o‘zini ko‘rsatgan va Istanbul jamoasi ikki uchrashuv natijasiga ko‘ra 7:5 hisobida g‘alaba qozongan edi.
Osimhen o‘yinlar oldidan ham, keyin ham «Yuventus» klubiga hurmatini bildirdi va kelajakda ushbu jamoaga o‘tish ehtimolini rad etmagan edi. Biroq mashhur insayder Fabritsio Romanoning ma’lumotiga ko‘ra, ushbu transferning amalga oshishi deyarli imkonsiz.
Sababi, «Galatasaroy» jamoasi bilan tuzilgan shartnomada maxsus band mavjud bo‘lib, unga ko‘ra Osimhenni A Seriyasi klublariga sotishga cheklov qo‘yilgan. Ushbu talab futbolchining avvalgi jamoasi — «Napoli» tomonidan kiritilgan.
Shuningdek, Transfermarkt portali ma’lumotlariga ko‘ra, Viktor Osimhenning bozor qiymati hozirda 75 million yevroga baholanmoqda. Bu esa uning transferi haqida kelishuvga erishishni yanada qiyinlashtiradi.
