Ispaniya va Argentina "Finalissima" uchun maydonga tushadi
27 mart kuni Ispaniya va Argentina terma jamoalari o‘rtasida "Finalissima" deb nomlangan superfinal uchrashuvi bo‘lib o‘tadi. Bu haqda Zamin.uz xabar berdi.
Ushbu o‘yin Yevropa chempioni va jahon chempionini birlashtiruvchi nufuzli musobaqa hisoblanadi. Mazkur bahs Qatarning poytaxti Doha shahrida joylashgan stadionda tashkil etiladi.
Bu haqida euro-football.ru sayti xabar bermoqda. Mazkur o‘yinga qiziqish juda yuqori bo‘lib, 88 966 ta chipta bir necha soat ichida sotilib ketdi.
Tomoshabinlar ayniqsa Lionel Messi va Lamin Yamal o‘rtasidagi dueldan katta hayajon kutishmoqda. O‘yinning o‘tkazilish joyi ham ramziy ma’noga ega, chunki aynan shu stadionda Argentina terma jamoasi jahon chempionati finalida Fransiya jamoasini mag‘lub etgan edi.
Shuningdek, ushbu uchrashuv oldidan yozda bo‘lib o‘tadigan jahon chempionati haqida ham eslatib o‘tilmoqda. Mazkur musobaqa 11 iyundan 19 iyulgacha davom etadi va ilk bor 48 ta terma jamoa ishtirok etadi.
Bu esa jahon chempionatlari tarixidagi yangi davrni boshlab beradi.
