Ispaniya va Argentina «Finalissima»da to‘qnash keladi
27 mart kuni Ispaniya va Argentina terma jamoalari «Finalissima» nomli o‘yin doirasida maydonga tushadi. Bu haqda Zamin.uz xabar berdi.
Ushbu o‘yin Yevropa chempioni va jahon chempioni o‘rtasidagi superfinal hisoblanadi. Bu haqda euro-football.ru xabar berdi.
Mazkur uchrashuv Qatar poytaxti Doha shahrida bo‘lib o‘tadi. O‘yin uchun ajratilgan 88 966 ta chipta bir necha soat ichida sotilib ketgani muxlislar orasida katta qiziqish uyg‘otganini ko‘rsatadi.
Ayniqsa, Lionel Messi va Lamin Yamalning ishtiroki mazkur bahsga bo‘lgan e’tiborni yanada oshirgan. Diqqatga sazovor jihati shundaki, o‘yin o‘tadigan stadionda Argentina terma jamoasi avvalroq Jahon chempionati finalida Fransiya ustidan g‘alaba qozongan edi.
Bu esa o‘yinga alohida tarixiy ahamiyat bag‘ishlaydi. Shuningdek, yozda navbatdagi Jahon chempionati boshlanishi rejalashtirilgan.
Turnir 11 iyundan 19 iyulgacha davom etadi va unda ilk bor 48 ta terma jamoa ishtirok etadi. Bu o‘yinning futbol ixlosmandlari uchun yanada qiziqarli kechishi kutilmoqda.
