Vinisius Rodri kelgudek bo‘lsa, "Real"ni tark etadi
Madridning "Real" klubi hujumchisi Vinisius Junior jamoa rahbariyatiga o‘z shartini qo‘ydi. Bu haqda Zamin.uz xabar berdi.
U braziliyalik futbolchi "Manchester Siti" yarim himoyachisi Rodri "Qirollik klubi"ga o‘tadigan bo‘lsa, jamoani tark etishini bildirdi. Bu haqda Ispaniyaning El Nacional nashri xabar berdi.
Vinisius 2024-yilgi "Oltin to‘p" sovrinining asosiy da’vogari sifatida ko‘rilayotgan edi. Biroq mukofot kutilmaganda Rodriga nasib etdi.
"Real Madrid" bu qarordan norozi bo‘lib, taqdirlash marosimini boykot qilgan edi. Vinisius bu voqeani hali ham unutmagan ko‘rinadi va ispaniyalik futbolchi bilan birga o‘ynashni xohlamayapti.
Hozirda Vinisiusning "Real" bilan shartnomasi 2027-yilgacha mo‘ljallangan. Shunga qaramay, futbolchi va klub rahbariyati o‘rtasidagi munosabatlar biroz murakkablashgan.
Ma’lum qilinishicha, ular maosh masalasida ham kelishuvga erisha olishmayapti. Agar Rodri transferi amalga oshsa, Vinisiusning Madridni tark etish ehtimoli yanada oshishi mumkin.
