"Tottenhem" tarixidagi eng og‘ir davrni boshdan kechirmoqda
"Tottenhem" futbol klubi hozirda o‘zining tarixidagi eng murakkab davrni boshdan kechirmoqda. Bu haqda Zamin.uz xabar berdi.
2020 yildan beri klub transferlarga katta mablag‘ ajratgan bo‘lsa-da, bu maydondagi natijalarga ijobiy ta’sir ko‘rsatmadi. Angliya Premer-ligasidagi so‘nggi 38 ta uchrashuvda "Tottenhem" atigi 33 ochko to‘pladi.
Ushbu holat klub uchun jiddiy xavotir uyg‘otmoqda. Jamoaning o‘rtacha ochko ko‘rsatkichi 0.87 ni tashkil etmoqda, bu esa klubning APL davridagi eng past natijasi hisoblanadi.
Bunday past ko‘rsatkichlar klub tarixida faqat 1912 va 1915 yillarda kuzatilgan edi. Klubning 38 o‘yinlik "rolling points" grafigi keskin pastga tushib ketgan va hozirda o‘z tarixidagi eng minimal nuqtada turibdi.
Bu holat klubni quyi ligaga tushib ketish xavfi bilan yuzma-yuz qoldirmoqda. "Tottenhem"ning ushbu qiyin davrni qanday yengib o‘tishi futbol ishqibozlari orasida katta qiziqish uyg‘otmoqda.
Manba: One.uz.
