Gvardiola Husanovni Real Madridga qarshi o'yinda asosiy tanlov qildi
Manchester Siti jamoasi bosh murabbiyi Xosep Gvardiola Real Madridga qarshi kechadigan muhim uchrashuv oldidan start tarkibda qilingan o'zgarishlarga bag'ishlangan brifingda ishtirok etdi. Bu haqda Zamin.uz xabar berdi.
Ispaniyalik mutaxassis bu qarorlarni tasodifiy yoki shunchaki aylanma tartibda o'zgartirish emas, balki raqibning kuchli tomonlarini chuqur tahlil qilib tayyorlangan aniq strategiya ekanligini ta'kidladi. Gvardiola avvalo Niko O'Reyli tanlovi haqida gapirib, uchrashuv oldidan jurnalistlarga savol uzatdi.
Uning so'zlariga ko'ra, O'Reyli bu mavsumda bir necha marta chap qanot himoyachisi vazifasini bajarib kelgan va bu tanlov hech qanday eksperiment emas, balki futbolchiga bo'lgan ishonchni anglatadi. Murabbiyning ta'kidlashicha, tarkibdagi asosiy va haqiqiy o'zgarish Abduqodir Husanov ishtirokiga bog'liq.
Bu qarorning sababi juda aniq va mantig'i bor, chunki Real Madrid safidagi Vinisius aniq o'sha hududda va qanotda ko'proq faol harakat qiladi. Shu sababli Siti jamoasi hujumga o'tishda ortiqcha vaqt yo'qotib, ikkilanmaydigan, tez qaror qabul qiladigan futbolchini maydonga tushirishni ma'qul ko'rdi.
Husanovning maydonga chiqishi Vinisius xavfini cheklash va o'sha zonada jismoniy ham, tezlik jihatdan ham tayyor variantni taqdim etish g'oyasiga asoslangan edi. Shuningdek, murabbiy vingerlar holati haqida ham alohida to'xtaldi.
Uning aytishicha, qanot futbolchilari bir necha oy davomida jarohat bilan bog'liq muammolarni boshdan kechirgan bo'lsa-da, qaytgach jamiyatga yaxshi ko'rinish berishdi. Gvardiola Savinoning Nyukaslga qarshi o'yindagi samarali harakatini misol qilib keltirdi va Jeremi Doku esa doim xavf yaratadigan, raqibni orqaga torttirib qo'yadigan futbolchi ekanini ta'kidladi.
Tarkibda Bernardu Silva va Rodri kabi tajribali o'yinchilar borligi ham rejaning muhim qismi hisoblanadi. Ular qaytgan to'plar ustidan nazorat o'rnatish, tempni boshqarish va o'yinni tartibga solib turish uchun juda kerak.
Yugurishga moyil, hajmli ish qiladigan futbolchilar sifatida esa O'Reyli va Antuan Semeno tilga olindi. Murabbiy ularning ham gol hissi borligini, standart vaziyatlar ham rejada hisobga olinganini qo'shimcha qildi.
Gvardiola rotatsiya haqidagi savolga javob berib, buni yangi narsa emasligini ochiq aytdi. U Nyukaslga qarshi o'yinda ham tarkibda katta o'zgarish qilganini eslatdi va o'shanda maydonga to'qqiz nafar boshqa futbolchi tushganini eslatib o'tdi.
Demak, bu mavsumda Siti jamoasi sharoitga qarab tarkibni tez o'zgartirishga majbur bo'lyapti va bu uningcha normal holat. Oxirida Gvardiola rejani juda aniq tushuntirdi, maqsad qanotlar orqali raqibni pastroqda band qilib ushlab turish, markazdagi futbolchilar orqali jarima maydoniga yaqinlashish va tajribali o'yinchilar bilan ikkinchi to'plarni nazorat qilishdir.
G'oya shu edi va endi futboldagi eng qiziq joy nazariya emas, amaliyotdir. Bu g'oyalar maydonda qanchalik ishlaganini natija va o'yin sur'ati o'zi aytib beradi.
Manba: One.uz
