Portugaliya va O‘zbekiston o‘yini jahon chempionati tomoshabinlar o‘ntaligiga kirdi
2026 yilgi jahon chempionati guruh bosqichi ikkinchi turidan o‘rin olgan Portugaliya va O‘zbekiston terma jamoalari o‘rtasidagi uchrashuv tomoshabinlar soni bo‘yicha turning eng ommaviy o‘yinlari o‘ntaligiga kirdi. Bu haqda Zamin.uz xabar berdi.
Xyuston shahridagi NRG Stadium arenasida o‘tkazilgan bellashuvni 68 777 nafar muxlis bevosita stadion tribunalaridan kuzatdi. Bu natija Portugaliya – O‘zbekiston uchrashuviga ikkinchi turning eng ko‘p tomoshabin to‘plagan bahslari ro‘yxatida yettinchi o‘rinni olib berdi.
Ikkinchi turda eng katta auditoriya Norvegiya va Senegal terma jamoalari o‘rtasidagi o‘yinda qayd etildi. Ushbu bahsni 80 663 nafar muxlis stadiondan tomosha qildi.
Shuningdek, Argentina – Avstriya uchrashuviga 70 649 nafar, Belgiya – Eron bahsiga esa 70 317 nafar tomoshabin tashrif buyurdi. Shveysariya va Bosniya va Gersegovina o‘rtasidagi o‘yin 70 026 muxlisni, Turkiya va Paragvay bahsi 68 827 muxlisni, Niderlandiya va Shvetsiya uchrashuvi 68 777 muxlisni, Ekvador va Kyurasao o‘yini 68 598 muxlisni, Iordaniya va Aljir bahsi 68 371 muxlisni va Braziliya va Gaiti uchrashuvi 68 324 muxlisni olgan.
Eslatib o‘tamiz, Portugaliya va O‘zbekiston terma jamoalari o‘rtasidagi uchrashuv yevropaliklarning 5:0 hisobidagi g‘alabasi bilan yakunlangan edi. Portugaliya safida Krishtianu Ronaldu dubl qayd etdi.
Nunu Mendesh va Rafael Leau ham bittadan gol urishdi. Yana bir to‘p O‘zbekiston terma jamoasi darvozaboni Abduvohid Nematovning avtogoli sifatida qayd etildi.
Manba: one.uz
