Antonelli AQSH Gran-prisini g‘alaba bilan yakunladi
Ostin shahridagi «Trassa Amerik» avtodromida Formula-1 2026-yilgi chempionatining 18-bosqichi — AQSH Gran-prisi kutilmagan natijalar bilan yakunlandi. Bu haqda One.uz xabar beradi.
«Mercedes» jamoasining yosh italiyalik piloti Andrea Kimi Antonelli poul-pozitsiyadan start olib, poyga davomida yuksak tezlik va sovuqqonlik bilan faoliyatidagi eng yorqin g‘alabalardan birini qozondi. Ikkinchi o‘rinni «Ferrari» yetakchisi Sharl Lekler, uchinchi o‘rindan esa «Red Bull» poygachisi Maks Ferstappen egalladi.
Poyga hodisalari Antonelli startdan so‘ng yetakchilikni qo‘lga olib, raqiblarning bosimiga qaramasdan finish chizig‘ini birinchi kesib o‘tdi. Sharl Lekler ikkinchi o‘rindan tortib, jamoasi uchun muhim ochkolar yig‘di.
Yetti marta jahon chempioni bo‘lgan Lyuis Xemilton «Ferrari» ranglarida kuchli poyga o‘tkazgan holda to‘rtinchi o‘rin bilan kifoyalandi. Valtteri Bottas, Franko Kolapinto va Oliver Berman texnik nosozliklar va hodisalar tufayli poygani yakunlamaolmadilar.
Natijalar jadvali Yakuniy hisobda 1-o‘rin Andrea Kimi Antonelli («Mercedes»), 2-o‘rin Sharl Lekler («Ferrari»), 3-o‘rin Maks Ferstappen («Red Bull»), 4-o‘rin Lyuis Xemilton («Ferrari»), 5-o‘rin Lando Norris («McLaren»), 6-o‘rin Isak Xajar («Red Bull»), 7-o‘rin Oskar Piastri («McLaren»), 8-o‘rin Jorj Rassell («Mercedes»), 9-o‘rin Liam Louson («Racing Bulls»), 10-o‘rin Per Gasli («Alpine») bo‘ldi. 11-15-o‘rinlarni Niko Xyulkenberg («Audi»), Arvid Lindblad («Racing Bulls»), Gabriel Bortoleto («Audi»), Esteban Okon («Haas»), Lans Stroll («Aston Martin») egalladi.
Oxirgi o‘rinlar esa Fernando Alonso («Aston Martin»), Aleksandr Albon («Williams»), Karlos Sayns («Williams») va Serxio Peres («Cadillac»)ga tegdi. Kimi Antonellining Ostindagi yutuqi «Mercedes» jamoasi uchun so‘nggi yillardagi eng muhim muvaffaqiyatlardan biri bo‘lib, yosh avlod vakillari chempionat favoritlariga qarshi to‘liq teng kurasha olish qobiliyatiga ega ekanligini yana bir bor tasdiqladi.
Manba: One.uz
