Orkun Ko‘kchü «Beshiktosh» klubiga o‘tishni xohladi
Portugaliyaning "Benfika" klubining yarim himoyachisi Orkun Ko‘kchü jamoa rahbariyatiga "Beshiktosh" klubiga o‘tish istagini bildirdi. Bu haqida Euro-football.ru xabar berdi.
Bu haqda ishonchli manba Fabrizio Romano ma’lum qilmoqda. Manba ma’lumotlariga ko‘ra, klublar allaqachon muzokaralarni boshlagan.
Ko‘kchüning Turkiyaga o‘tish imkoniyati juda yuqori deb baholanmoqda. 2024/25 yilgi mavsumda futbolchi barcha musobaqalarni hisobga olgan holda 55 ta o‘yinda maydonga tushib, 12 ta gol urdi va 11 ta golga uzatma berdi.
24 yoshli futbolchining Transfermarkt saytidagi bozor qiymati 30 million yevroga teng. Bundan oldin Moskvaning "Spartak" klubi ham futbolchiga qiziqish bildirgani haqida xabarlar tarqalgan edi.
