Apple iOS va macOS zaifliklarini bartaraf etdi

Apple kompaniyasi Mac va iPhone qurilmalari foydalanuvchilari xavfsizligini ta’minlash maqsadida muhim yangilanishlarni taqdim etdi. Bu haqida Zamin.uz xabar berdi.

Bu haqda MacRumors sayti ma’lum qildi. Iyul oyining oxirlarida chiqarilgan iOS 18.6 va macOS Sequoia 15.6 versiyalarida "CVE-2025-6558" nomli xavfli zaiflik bartaraf etildi.

Ushbu zaiflik xakerlarga Chrome brauzerining himoya tizimini chetlab o‘tib, qurilmada istalgan kodni bajarish imkonini bergan. Eng xavflisi shundaki, bu zaiflik Apple tizimlaridagi WebKit dvijog‘iga ham ta’sir ko‘rsatgan.

WebKit Safari brauzeri va Apple ilovalarining asosiy komponentlaridan biridir. Zararli veb-kontent WebKit orqali ishlanganda tizimda xatolik yuzaga kelishi mumkin edi.

Google bu zaiflikni 15 iyul kuni o‘z brauzerida bartaraf qilgan bo‘lsa-da, Apple tizimlariga chuqur integratsiyalashgani sababli iOS va macOS uchun maxsus himoya yamog‘i ishlab chiqildi. Hozirda ushbu zaiflik qanday ekspluatatsiya qilingani va texnik tafsilotlari ochiqlanmagan.

Kiberxavfsizlik sohasidagi kompaniyalar Google bilan kelishgan holda, foydalanuvchilar yangilanishni o‘rnatguncha ma’lumotlarni oshkor qilmaslikka qaror qildi. Shuning uchun barcha foydalanuvchilarga tizimlarini yangilash tavsiya etiladi.

Yangilanishlar qurilmalarni xavfsizligini oshiradi va zararli hujumlarning oldini oladi.