Fikrlash orqali robot qo‘lni boshqarish mumkin bo‘ldi
Olimlar yangi noinvaziv texnologiya yordamida faqat fikrlash orqali robot qo‘lni harakatga keltirishga muvaffaq bo‘ldi. Bu haqida Zamin.uz xabar berdi.
Bu haqida FoxNews.com sayti xabar berdi. Ushbu tizim sun’iy intellekt asosida miya to‘lqinlarini o‘qiydi va olingan ma’lumotlarni robot qurilmaga uzatadi.
Natijada robot qo‘l aniq va tez harakat qiladi. Jarrohlik aralashuvi yoki implant o‘rnatish talab qilinmaydi.
Loyiha Penn State universiteti va Army Research Lab hamkorligida ishlab chiqilgan bo‘lib, nogironlar va harakat qobiliyati cheklangan shaxslar uchun yangi imkoniyatlar yaratadi. Sun’iy intellekt yordamida tizim miya signallarini to‘g‘ri tanlab oladi va robot qo‘lni aniq boshqaradi.
Texnologiya real vaqt rejimida ishlashi bilan ajralib turadi. Ushbu yondashuv tibbiy reabilitatsiya, harbiy soha va virtual reallikda qo‘llanishi mumkin.
Hozirda loyiha tajriba bosqichida bo‘lib, olimlar uni kengroq qo‘llash ustida izlanish olib bormoqda. Bu texnologiya kelajakda inson hayotini yaxshilashda muhim rol o‘ynashi kutilmoqda.
