Cisco mijozlarining shaxsiy ma’lumotlari o‘g‘irlandi
Cisco kompaniyasi ovozli fishing usuli orqali mijozlarining shaxsiy ma’lumotlari o‘g‘irlanganini ma’lum qildi. Bu haqida Zamin.uz xabar berdi.
Ushbu holat haqida TechCrunch sayti xabar berdi. Xakerlar o‘zlarini Cisco xodimi deb tanishtirib, telefon orqali mijozlardan ishonch uyg‘otuvchi so‘zlar va texnik atamalardan foydalangan holda shaxsiy ma’lumotlarni olgan.
Kompaniya ma’lumotlariga ko‘ra, hujum natijasida mijozlarning ism-sharifi, elektron pochta manzili va hisob ma’lumotlari noqonuniy ravishda qo‘lga kiritilgan. Ushbu voqeadan so‘ng Cisco xavfsizlik choralarini kuchaytirib, jabrlanganlarga alohida ogohlantirish xabarlari yubordi.
Shuningdek, barcha foydalanuvchilarga bunday fishing hujumlariga qarshi ehtiyotkor bo‘lish tavsiya qilindi. Fishing telefon orqali amalga oshiriladigan firibgarlik turi bo‘lib, unda firibgar o‘zini ishonchli shaxs sifatida ko‘rsatib, muhim ma’lumotlarni olishga harakat qiladi.
Cisco kompaniyasi bu hujumni jiddiy xavf deb baholab, kiberxavfsizlikni mustahkamlashni ustuvor vazifa sifatida belgiladi. Shunday qilib, har bir foydalanuvchi o‘z ma’lumotlarini himoya qilish uchun ehtiyotkor va hushyor bo‘lishi zarur.
